- - - - -
ჩემი მეგობარი პოეტები ცოლებმა მიატოვეს. ისინი მიატოვეს ალბათ იმის გამო, ან სწორედ იმის გამო, რისთვისაც გაჰყვნენ. და ვინც არ მიუტოვებიათ, ის კიდევ უფრო მარტო დატოვეს. თხილეულში მძაღე მარცვალი რომ შეგიყვება, ამ დროს კი ლამის ყველა პირში მოგჩერებია, ყელმწარემ და პირმომღიმარმა მერამდენედ უნდა ჩავყლაპო ფუჭი სათქმელი!
ვუთხრა, რა ვუთხრა! - რომ სამშობლოში პოეტებიდან თავი ვინც კი გაიტანა, ჯერ იმ თავში პოეტი მოკლა?! ან, რომ ცხოვრება ვიდრე წიხლს არ გითავაზებს, ცოდნად ვერ იქცევ, რაც გაგიგია?! -
რომ გულუბრყვილო რომანტიზმია, როცა ბიჭს, შემთვრალს და გალექსილს ერთი რითმა ან მეტაფორა ურჩევნია ოქროს უზალთუნს და უწკრიალებს თავის პოეტურ ყულაბაში უზალთუნები და სამუზედ აღერებულ ათას გოგოში შენ გამოგარჩევს?!... და იმ რომანტიზმს, ატლასის ძველი საპირესავით კვლავ მოლაპლაპეს, სარჩულად უდევს რეალიზმი, უხუნარი და მეტისმეტად სოციალური?!
რა ქნას პოეტმა! მამადქცეული შინ მიიქცევა, ახალშობილს კი ტაკლი-ტუკლის და ფაფების გარდა, პამპერსი უნდა, ხილიც უნდა, ჰაერიც უნდა და ექიმიც და უნდა დედა - უყვედრებელი, არნაწამები, არამედ მოვლილ- ნაამები, ალერსიანი, შენ კი ჯიბეში ახალი ლექსიც კი არ გიდევს, ერთი ფურცელი გაცრეცილი, აქა- იქ რითმა, სტრიქონები - გადახაზულ-გადმოხაზული, წაწერილი სხვა კალმითა და სხვა განწყობით, თითქოს, სხვა ხელით. რაც უფრო გულის გასახეთქია, ცოლადქცეულმა იმ სიფიფანა, მიამიტმა გოგოებმა საიდანღაც წერაც ისწავლეს, ანგარიშიც და სხვები უკვე გაგონებენ, იქნებ ჯინაზეც, რომ ქმრებზე უკეთ გამოუდით და რომ ეცალოთ, მეტსაც იზამდნენ. წერას - წერისა! უანგარობას ვერ ითამაშებ, ანგარიში თუკი გერევა. ამასობაში ცოლი - უკვე ნაცოლარია.
და იზრდებიან ასე მამიკოს გოგოები და ბიჭები მამის გარეშე, ხოლო მამები შესციცინებენ იმ ძველ ფოტოებს, როცა ისინი ერთად იყვნენ , ,,გაიზრდები და მიხვდები და დამიბრუნდები'' ..თავს იტყუებენ, თორემ როგორ არ იციან, რომ შვილებმა შეიძლება მოინახულონ, მაგრამ მშობლებთან ვერასოდეს დაბრუნდებიან. და მამები, ფოტოებით უბესავსენი უფსკრულისკენ საბოლოოდ ექანებიან. უფსკრულები კი მწვერვალებია, არარაობის მწვერვალები - ღრმა წყვდიადებში ჩაბრუნებული.
და იზრდებიან ასე შვილები დედის გარეშეც, მაგრამ დედებმა ეს არ იციან, ისინი მედგრად მიუძღვიან უშეცდომო, წარმატებული ცხოვრებისაკენ, სწორედ ისევე, საბედისწერო ნაბიჯამდე საკუთარი დედები რომ მიუძღვებოდნენ.
ო, რა მოწყალე ღიმილით დასცქერს ძე-შეცდომილი მამა- შეცდომილს! ქვეყანას, მამის მიტოვებულს მამით ობლობა კი რა და, უდედობა სჭირს, მამა - შორია და რადგან დედა - ამ გამო მამად ქცეულა, დედის ძველ ადგილს ტუჩაბზეკით და თვალმოჭუტვით ეტოლება ეს ცხოვრება- დედინაცვალი. ჩემი მეგობარი პოეტები კი ამასობაში გაიკრიფნენ. აღარ არიან. საქართველოში თავი პოეტად ვინ გაიტანა!
კომენტარები |
ილუსტრაციები |
რეცენზიები |
|
15. მადლობა , ჩემო კარგებო! გილოცავთ შობის მოახლოებას მადლობა , ჩემო კარგებო! გილოცავთ შობის მოახლოებას
14. ნუ, ეხლა პრაგმატიზმი რომ აკლიათ, ეს ფაქტია, თორემ შეიძლება, სხვებზე ნაკლები ადამიანეაბი არ არიან... რთული საკითხია... ქალი პოეტი კი უკეთ უგებს მათ? შესაძლოა, მაგრამ ნახევრად ხუმრობით, ოჯახს რჩენა ხომ უნდა?:) მე კიდევ ოჯახის მარჩენალი ერთი რატი ვიცი და ეჭვი მაქვს, ისიც სხვა საქმითაც იქნება დაკავებული, არაა ასე ჩვენ ჭკუაზე საქმე... ამიტომ ძნელად წარმომიდგენია ორი პოეტის თანაცხოვრება, თორემ სულიერეად გადას არევად გაუგებენ ერთმანეთს, მაგრამ რადგან ანგელოზები არ ვართ და ხორცსაც საკვები სჭირდება, აი, აქ იწყება პოეტების არაპოეტური ცხოვრება, ანუ, ამას დავარქმევდი კუნდერასეულად, ყოფიერების აუტანელ სიმსუბუქეს... მგონი, ამიტომაც უჭირთ ოჯახის შექმნა როგორც კაც, ისე ქალ პოეტებს, ყოფის პროზა აშინებთ ნუ, ეხლა პრაგმატიზმი რომ აკლიათ, ეს ფაქტია, თორემ შეიძლება, სხვებზე ნაკლები ადამიანეაბი არ არიან... რთული საკითხია... ქალი პოეტი კი უკეთ უგებს მათ? შესაძლოა, მაგრამ ნახევრად ხუმრობით, ოჯახს რჩენა ხომ უნდა?:) მე კიდევ ოჯახის მარჩენალი ერთი რატი ვიცი და ეჭვი მაქვს, ისიც სხვა საქმითაც იქნება დაკავებული, არაა ასე ჩვენ ჭკუაზე საქმე... ამიტომ ძნელად წარმომიდგენია ორი პოეტის თანაცხოვრება, თორემ სულიერეად გადას არევად გაუგებენ ერთმანეთს, მაგრამ რადგან ანგელოზები არ ვართ და ხორცსაც საკვები სჭირდება, აი, აქ იწყება პოეტების არაპოეტური ცხოვრება, ანუ, ამას დავარქმევდი კუნდერასეულად, ყოფიერების აუტანელ სიმსუბუქეს... მგონი, ამიტომაც უჭირთ ოჯახის შექმნა როგორც კაც, ისე ქალ პოეტებს, ყოფის პროზა აშინებთ
13. ძალიან მომწონს, ძალიან, რამდენჯერაც არ უნდა წავიკითხო :)) ++ წარმატებები ავტორს ძალიან მომწონს, ძალიან, რამდენჯერაც არ უნდა წავიკითხო :)) ++ წარმატებები ავტორს
12. ნინო, არაჩვეულებრივია! ++++++++++++++++++++++ :) ნინო, არაჩვეულებრივია! ++++++++++++++++++++++ :)
11. მომეწონა. ემოციურია. მომეწონა. ემოციურია.
10. არ ვდაობ რენუარ, მე ვთქვი ოჯახი ენგრევათ სხვა ადამიანებსაც, ვინც პოეტი არ არის.
ამის წაკითხვის შემდეგ შთაბეჭდილება დამრჩა, რომ პოეტი ქმარი უბრალოდ საშინელებაა. ან არ უნდა გაჰყვე ცოლად, ან აუცილებლად უნდა მიატოვო. ესე იგი პოეტი ის ადამიანია, რომელსაც არავინ უნდა ენდოს და არც ბედნიერებას ელოდეს? ასეთ ადამიანს ვინმე პატივის სცემს? -ამას არ ვეთანხმები. უნდა დავეთანხმო? :)
იურისტებსაც კი ენგრევათ ოჯახები, მოსამართლეებს, პროკურორებს, ნოტარიუსებს და ადვოკატებს, ამ ხალხზე მეტად ოჯახის და მემკვიდრეების ფასი არავინ იცის, მაგრამ ეს ვერ შველის საქმეს.
თქვენ თუ ერთს იცნობთ, მე ოთხს ვიცნობ. მრავალშვილიანები შეიძლება არ არიან, მაგრამ ოჯახები ჰყავთ და კარგად არიან.
გოგოებო, არ შეგეშინდეთ თუ თქვენი ქმრები ლექსებს წერენ და პოეზიასთან მეგობრობენ. იმიტომ ნუ გაეყრებით რომ პოეტები არიან. მაგათ თვით ღმერთმა სცხო მირონი შუბლზე და სულზე. ქალის საოჯახო ტვირთი კი ერთნაირია, გინდა მეფის ცოლი იყავი, გინდა პოეტის, გინდა პროკურორის და გინდა მეწაღის. ყველას თავისი ბედი და სავალი აქვს. ისე მოიქეცით რომ ქმრებმა პატივი გცენ, საკუთარი ღირსება და ცოლშვილი - პოეზიასავით უყვარდეთ. ეგაა ბედნიერების რეცეპტი. სულ ესაა. :)
არ ვდაობ რენუარ, მე ვთქვი ოჯახი ენგრევათ სხვა ადამიანებსაც, ვინც პოეტი არ არის.
ამის წაკითხვის შემდეგ შთაბეჭდილება დამრჩა, რომ პოეტი ქმარი უბრალოდ საშინელებაა. ან არ უნდა გაჰყვე ცოლად, ან აუცილებლად უნდა მიატოვო. ესე იგი პოეტი ის ადამიანია, რომელსაც არავინ უნდა ენდოს და არც ბედნიერებას ელოდეს? ასეთ ადამიანს ვინმე პატივის სცემს? -ამას არ ვეთანხმები. უნდა დავეთანხმო? :)
იურისტებსაც კი ენგრევათ ოჯახები, მოსამართლეებს, პროკურორებს, ნოტარიუსებს და ადვოკატებს, ამ ხალხზე მეტად ოჯახის და მემკვიდრეების ფასი არავინ იცის, მაგრამ ეს ვერ შველის საქმეს.
თქვენ თუ ერთს იცნობთ, მე ოთხს ვიცნობ. მრავალშვილიანები შეიძლება არ არიან, მაგრამ ოჯახები ჰყავთ და კარგად არიან.
გოგოებო, არ შეგეშინდეთ თუ თქვენი ქმრები ლექსებს წერენ და პოეზიასთან მეგობრობენ. იმიტომ ნუ გაეყრებით რომ პოეტები არიან. მაგათ თვით ღმერთმა სცხო მირონი შუბლზე და სულზე. ქალის საოჯახო ტვირთი კი ერთნაირია, გინდა მეფის ცოლი იყავი, გინდა პოეტის, გინდა პროკურორის და გინდა მეწაღის. ყველას თავისი ბედი და სავალი აქვს. ისე მოიქეცით რომ ქმრებმა პატივი გცენ, საკუთარი ღირსება და ცოლშვილი - პოეზიასავით უყვარდეთ. ეგაა ბედნიერების რეცეპტი. სულ ესაა. :)
9. ძალიან კარგია! ძალიან კარგია!
8. დამამუნჯა, ჩემო ნინო!!! რეალობაც, ძვალმოტეხილი თაობის ტკივილიც, გათავკაცებული ქალობაც და "არარობის მწვერვალებისკენ" მიმავალი კაცობაც და ეს ყველაფერი ამ ბრწყინვალე ლექსში... ასე ძალიან კარგა ხანია, არაფერი მომწონებია!!! ბრავო, ნინა!!! დამამუნჯა, ჩემო ნინო!!! რეალობაც, ძვალმოტეხილი თაობის ტკივილიც, გათავკაცებული ქალობაც და "არარობის მწვერვალებისკენ" მიმავალი კაცობაც და ეს ყველაფერი ამ ბრწყინვალე ლექსში... ასე ძალიან კარგა ხანია, არაფერი მომწონებია!!! ბრავო, ნინა!!!
7. ემოციის გარეშე ვერ წავიკითხე! 5 ემოციის გარეშე ვერ წავიკითხე! 5
6. მშვენიერი..ნამდვილია,ემოციური..სათავფურცლეა!
მშვენიერი..ნამდვილია,ემოციური..სათავფურცლეა!
5. მშვენიერი..ნამდვილია,ემოციური..სათავფურცლეა!
მშვენიერი..ნამდვილია,ემოციური..სათავფურცლეა!
4. 5 სრული სიმართლეა.
ნეფერტარ, ნუ დაობთ:) მრავალშვილინი კარგი პოეტი მე ერთი ვიცი მარტო და ისიც თუ არ მიატოვეს მხოლოდ იმიტომ რომ არანაკლებ კარგი პოეტი ცოლი ჰყავს:) 5 სრული სიმართლეა.
ნეფერტარ, ნუ დაობთ:) მრავალშვილინი კარგი პოეტი მე ერთი ვიცი მარტო და ისიც თუ არ მიატოვეს მხოლოდ იმიტომ რომ არანაკლებ კარგი პოეტი ცოლი ჰყავს:)
3.
ქალბატონო ნინო,
კარგია რა თქმა უნდა ეს ნაფიქრალი,უფრო სწორად კარგად დაწერილ-აღწერილია შედეგი.
ოღონდ, თუ ოჯახები ენგრევათ, ამაში მათი პოეტობა, ჩემი მოკრძალებული აზრით, გადამწყვეტ როლს საერთოდ არ ასრულებს. ბევრ არაპოეტსაც ენგრევა ოჯახი და ბევრ ძალიან კარგ ადამიანსაც, თქვენს მეგობარ პოეტებზე ათასჯერ უკეთესებს.
არიან აქ ცნობილი და კარგი პოეტები ვისაც სამი შვილი ჰყავთ, ბედნიერი მამები და ქმრები არიან.
ქალბატონო ნინო,
კარგია რა თქმა უნდა ეს ნაფიქრალი,უფრო სწორად კარგად დაწერილ-აღწერილია შედეგი.
ოღონდ, თუ ოჯახები ენგრევათ, ამაში მათი პოეტობა, ჩემი მოკრძალებული აზრით, გადამწყვეტ როლს საერთოდ არ ასრულებს. ბევრ არაპოეტსაც ენგრევა ოჯახი და ბევრ ძალიან კარგ ადამიანსაც, თქვენს მეგობარ პოეტებზე ათასჯერ უკეთესებს.
არიან აქ ცნობილი და კარგი პოეტები ვისაც სამი შვილი ჰყავთ, ბედნიერი მამები და ქმრები არიან.
2. რა კარგია, რა ძალიან კარგი!
რა კარგია, რა ძალიან კარგი!
1. საქართველოში ყოველი მეორე პოეტიაო ტყულა კი არ ამბობენ, ასეა ასე, საქართველოში იბადებიან პოეტები... საქართველოში ყოველი მეორე პოეტიაო ტყულა კი არ ამბობენ, ასეა ასე, საქართველოში იბადებიან პოეტები...
|
|
მონაცემები არ არის |
|
|