ნაწარმოებები



ავტორი: წერტილი.
ჟანრი: პოეზია
13 აპრილი, 2017


და კიდევ ერთხელ მოკვდი სიმართლით

გრძელი ხელები თან ასე თხელი,
თეთრი კანი და ყინულივით ცივია
მათი შეხება ,
წვრილი თითები ძალიან ნაზი
ისეთი,რომ
გეშინია ხელში არ შემოგეფშვნას,
სისხლი სდის თითებს
წითელი სისხლი და
გრძნობ თუ როგორ
იფლითება გული,
რომელსაც არ აქვს ნუგეში
და ასე ჰგავს
ფოთოლს
უკანასკნელს ხეზე შერჩენილს,
მისი დაცემის მსგავსი შეგრძნება
და თუ როგორ
გადაუვლიან ისე ჩრდილები,
გასრისავენ
ვერც შეამჩნევენ.
ასე უკვალოდ ჩაიფერფლება
და ყრუ ტკივილი სულის
ისეთი,
თითქოს ეკალი შეგერჭო ფრჩხილში
გტკივა და იცი,
არ დასრულდება.

და კიდევ ერთი ჭრილობა გულში,
ტყუილი
ტყუილი
კიდევ ერთი ტყუილი და
გრძნობ თუ როგორ
იღვრება სისხლი შენი თითებიდან და
თუ როგორ
მოძრაობს სისხლი ,
თითქოს აფეთქდეს
შუბლთან გამოასხას და წითლად
შეღებოს თეთრი კედელი.
ფეთქავს და ფეთქავს
არ გაჩერდება შენს საწამებლად.
თითქოს ბოლოა ეს ამოსუნთქვა,
და მოლოდინი
თუ როგორ იტყვი
მორიგ სიმართლეს ,
ტყუილით სავსეს,
რადგან დრო არის უკვე გასული
დიდი დრო არის ,
თავის ადგილი აქვს გულწრფელობას,
დაგაგვიანდა!
ჩემი სული კი სავსეა ისევ
მსგავსი ტკივილით,
ხორცის ტკივილებს ნატრობ და
იცი არ შეხორცდება
შენი ჭრილობა.

მე დავიღალე და
სანატრელი გახდა სიკვდილი.
ოღონდ არა ისეთი,
სხეულის გარდაცვალება.
შენ ხომ გჭირდება მუდამ
უბრალოდ გაქრობა
ისე
რომ თითქოს არც
არსებობდი
ოდესმე
და ერთი სიტყვაც არ გითქვამს
ან არ მომკვდარხარ მემილიონჯერ
ვიღაცის სიტყვით.

მე დავიღალე და
ყვავილებიც აგერ ჩამოჭკნენ ,
და რამდენი დღეა
ელის ახლებს ეს საყვივილე
რა ამაზრზენად ელის
გამოცვლას.
უკვე რამდენჯერ შეხედე
დამჭკნარ ყვავილებს,
მაგრამ ისე ჰგავს ეს ყველაფერი
შენში არსებულ
დანაკუწებულ გრძნობებს
დაფლეთილს
რომ გენანება მათი გადაყრა.
ჰო , ვიცი მეტყვი მორიგ სიმართლეს,
რომელსაც ასდის ტყუილის სუნი,
ასე მძაფრი და გულისამრევი,
სასაცილოა
გულწრფელად რომ ჰგონიათ
სიტყვებს
ისე ააწყობენ რომ გულწრფელობას
ჰგავდეს ყოველი ფრაზა,
და შეფუთული ასე ლამაზად!
მაგრამ
ტყუილად ირჯები ჩემო ძვირფასო
სიტყვის პოეტო.
მე გადარჩენა არ მეღირსება,
როგორც გადაყრა დამჭკნარ ყვავილებს,
და საყვავილევ გთხოვ მაპატიო
რადგან შეგრჩება
დამპალი ყვავილებით სავსე სიცარიელე,
რომელიც ერთ დროს
ასე
მოგწონდა,
იქნებ გიყვარდა სადღაც
სულის კუნჭულში,
ჰო ზუსტად ასე -
,,სადღაც გიყვარდა კიდეც''.

კომენტარები ილუსტრაციები რეცენზიები

საიტის წევრს ნიკით:  ემილი1999 ვულოცავთ დაბადების დღეს