ნაწარმოებები


შაბათს, გადაცემა "სოფლის დილაში",საზოგადოებრივ რადიო, რადიო 1-ზე, ტალღაზე ეფ-ემ 102.4 დილის 9 საათსა და 45 წუთზე თამარ ბოლქვაძე ( თანანა ) კითხულობს "ლილე 2017"-ის გამარჯვებულ ნაწერს - ნინო ქადაგიძის "რუფინე-ქერისფერს"!!!

ავტორი: ლურჯი ფრინველი
ჟანრი: პოეზია
20 აპრილი, 2017


ძველს


ძველისძველ ოთახს მე ვგრძნობდი სრულად,
დუმილს ანგრევდა ხმები საათის.
კვნესოდა ხსოვნა საუხერხულოდ,
დრო - ათასცხრაასოთხმოცდაათის.
*
გსურს გენიალურს ქარივით სდიო,
იგრძნო დიდების დაფნა მარადი,
რომ უკვდავების თასით დალიო
ჟამთა ცრუ დენა და მასკარადი.
*
ინატრებ სოფელს,
გზებს - ოკრო-ბოკროს,
სიმწვანით მოსილ ვიწრო ღელეებს,
ვერ ჩაუნაცვლებ ამ წარსულს ოქროს
და არ აჰყვები სისულელეებს.
*
გადვიდა... ახლა სხვა დღე ილევა,
ლალით სავსეა ღამების ავზი,
გული აბა ვით არ გადირევა,
როცა ედება სიძველეს ხავსი.
*
ძველისძველ ოთახს მე ვგრძნობდი სრულად,
დუმილს ანგრევდა ხმები საათის.
კვნესოდა ხსოვნა საუხერხულოდ,
დრო - ათასცხრაასოთხმოცდაათის...

კომენტარები ილუსტრაციები რეცენზიები