ქუჩაზე  რაფიელ  აგლაძის,
ავტოსაგზაო შემთხვევის
შედეგად,
ჩემი  ჯაგლაგით
დავლეწე  მამაოს  ,,პორშე,,!
ახლა მის კაბას  ვემთხვევი,
გაცოცხლდეს გინდაც  მოშე,
ვინღა  გამიყვანს აქედან?
მე  რომ  მეგონა  დროში
ვიგებდი,როგორ  წავაგე,
დავლოდებოდი  მწვანეს.
გუშინ ცხოვრებადავარცხნილს,
ახლა კოცონზე მწვავენ.
ან რა  მინდოდა  აგლაძის
დახლებადქცეულ  ქუჩის
ბოლოში ჩემი  ჯაგლაგით?
ხუთლარიანი  ,,კლუჩი,,
დამიჯდა  მთელი მომავლის
ღალად მონღოლთა  ყეენის.
ჩემ  მტერსაც  კი არ  ვუსურვებ,
აწი  რაც  შავი დღე  მელის!