ნაწარმოებები


ვულოცავთ!!! მუხრანის პრემიის გამარჯვებულებს, საიტის წევრებს ირაკლი ასლანიკაშვილს და თეა თაბაგარს. დაწვრილებით ლიტ-მოვლენაში     * * *     ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: ლიკა_ოხანაშვილი
ჟანრი: პოეზია
6 ივნისი, 2017


* * *

"წავუღებო ამას, სახლში ჩემს მოხუცს," -
იებს იქცევს დამჭკნარ ხელებს შორის და
იცის, ცოლს რომ ყურადღება ამგვარი,
სიხარულად მთელი დღეც კი ჰყოფნიდა....

მეორდება, ასე - ყოველდღიურად
ყვავილები - სიხარულად ცოლისთვის,
გადაითვლის ხურდებს არჩევანით და...
სხვა რაღაცა.... სხვა რაღაცა მოიცდის!

. . . დგას მომენტი გამოცვლილი როლების,
ყოფნისა და აღარ ყოფნის ნაპირზე,
და ყოველდღე, მოსართავად საფლავის,
ცოლი უკრეფს თავის მოხუცს ყვავილებს...

5.06.2017

კომენტარები ილუსტრაციები რეცენზიები