<><><>
გამორჩეული  ვართ  ჯიშით,
გვიყვარს სამბო და ძიუდო.
ბევრი სმა  ,ცოტა  ვარჯიში,
ჯეკ ლონდონი და  ჰიუგო.

შუადღეს ლისზე  ძუნძულებს,
ქალი,ხან ჩაიმუხლება
და  ბადროსავით  ძუძუებს
არ აძლევს  თავისუფლებას.

სიო უბერავს დიღმიდან,
დარბიან თავგამეტებით.
რა შერჩა,  ვინც თავს  იღლიდა?-
გადაგლეჯილი კედები.

<><><>
მოდიოდა გზაზე ბავშვი,
ხელში –მწვანე მამალოთი.
დედა უცხო  ქვეყანაში
ჰყავდა,
ხოლო მამა–ლოთი.

გზაზე ხურდებს აგროვებდა,
მაგრამ ხურდა არ ეყარა.
იქნებ ამდენ ვარამს  ჯობდა,
ბავშვი შვილად ამეყვანა.