ნაწარმოებები


შაბათს, გადაცემა "სოფლის დილაში",საზოგადოებრივ რადიო, რადიო 1-ზე, ტალღაზე ეფ-ემ 102.4 დილის 9 საათსა და 45 წუთზე თამარ ბოლქვაძე ( თანანა ) კითხულობს "ლილე 2017"-ის გამარჯვებულ ნაწერს - ნინო ქადაგიძის "რუფინე-ქერისფერს"!!!

ავტორი: როენა_0310
ჟანრი: პოეზია
12 ოქტომბერი, 2017


ღმერთო, შემინდე!

ღმერთო, შემინდე, ვინ შენ და ვინ მე,
რომ შეგავედრო ჩემი საძვალე,
პირველი სიტყვა თუ მათქმევინე,
უკანასკნელი სიტყვაც მაცალე..
თუ გსურს წუთებად აქციო წლები,
ნება შენია, მოგყვები ცალად,
თუ წუთისოფლად მოვედი ცრემლით,
წასვლისას მომეც ღიმილის ძალა!
ბალახებს სცივათ, წელმოცელილებს,
და მზეს უხმობენ, ცხადით ნახელებს,
თუ ფეხზე გავლა შემაძლებინე,
გთხოვ, წაქცეული წამომაყენე!
ყოჩივარდები იებად ფასობს,
გვიანი ზამთრის როს დგას ზმორება,
სად ჩავიმუხლე, თუ კარგად გახსოვს,
ხოშორი გზებიც გემახსოვრება..
მეც სამსალას ვსვამ საკუთარ არჩივს,
და ძველ ედემზე აღარც ვკამათობ,
შვილი, რომელიც მიწაზე დაგრჩი,
დაბნეული და უმისამართო..
შემინდე, ღმერთო, ათასი კითხვა,
სანამ ცას ჯანღი მოექუფრება,
თუ მათქმევინე პირველი სიტყვა,
მომეცი ბოლო სიტყვის უფლება!

კომენტარები ილუსტრაციები რეცენზიები