მ ე გ ზ უ რ ე ბ ი

ერთხელ ჭიამაიას ტყეში შემოაღამდა,
ვერ იპოვა ვერაფრით გზა-სავალი შინისკენ,
უსწრაფესად მოკეცა დაწინწკლული ფრთები და
დაჯდა იქვე, ბილიკზე.
მაგრამ ღამის წყვდიადი რომ ექციათ ნათელად,
მოფრინავდა შორიდან ორი ციცინათელა.
მოციალე ფარნებით - (უკეთესს ვერც ინატრებ)
მოძმე ჭიამაია მიაცილეს შინამდე.


წ რ უ წ უ ნ ე ბ ი

ერთი, ორი, სამი,
ოთხი, ხუთი, ექვსი -
აგორებენ კაკალს
წრუწუნები სხვენზე.
წელს შეიყვანს დედა
შვილებს პირველ კლასში,
დანარჩენის დათვლას
ისწავლიან მაშინ.