ნაწარმოებები


ნინო ნეკერიშვილისა და ანა ლაშხელი ონიანის სახელობის ლიტერატურული კონკურსი V-XII კლასის მოსწავლეთათვის     * * *     დაწვრილებით ფორუმზე, კონკურსების თემაში     * * *     ლიტერატურული კონკურსი „ლილე 2018“     * * *     დაწვრილებით ლიტ-მოვლენაში და ფორუმზე, კონკურსების თემაში

ავტორი: ანანე კიკნაძე
ჟანრი: პოეზია
25 იანვარი, 2018


სამი ზღვა


მოგროვდით ჩემო ოცნებებო,
უნდა დავშორდეთ,
ჩვენ ჩვენი გზებით უნდა ვიაროთ.
ეგებ ერთმანეთს არ ვუხდებით;
ჩემო სიზმრებო, ჩემო თვალგახელილო ღამეებო,
უნდა გაგათენოთ,
უნდა გაგაცილოთ შორს, კედლებს იქით.
ეგებ უდარდელი  ნახოთ ვინმე;
ცხრაკლიტურში გამოჩრილო იმედებო,
უნდა გიხსნათ, როგორც გაზაფხული ნაკადულებს...
მე სამი ზღვა უნდა დავლიო,
რომ ლოდინისგან გავთავისუფლდე.
სამი ზღვის მარილით უნდა ამოვივსო პირი,
რომ გამოგიცნო;
სამმა ზღვამ უნდა დამლიოს და თუ გადავრჩი,
თვალებდამზრალს, უიმედოს, სიზმრებგატეხილს,
როგორ მიმიღებ?!

კომენტარები ილუსტრაციები რეცენზიები