ნაწარმოებები



ავტორი: თაზო ქიზიყელი
ჟანრი: საბავშვო
4 თებერვალი, 2018


გუგული

გუ-გუ გუ-გუს გაიძახის
დღეს დილიდან გუგული,
თან ვგალობო იქადნება -
მე ვარ ამ ტყის ბულბული!

შაშვმა ისე გაიცინა,
ცა ჭახჭახით გააპო,
მიაძახა - იმ ჩხიკვს გავხარ
შენ მამობილ აღაპოს.

აქეთ ჭოტმა გადმოსძახა -
უჰუუ უჰუუ რას გვერჩი?
მთელი ღამის უძილო ვარ,
მჭვალი მადგას თან გვერდში.

და უეცრად ლელიანში
რომ ამღერდა ბულბული,
შურისაგან სულ გალურჯდა
ქარაფშუტა გუგული!


კომენტარები ილუსტრაციები რეცენზიები