ხელები რბილად ჩაეწო და საკუთარი არსებობა დაამჩნია. წებოვანი შეგრძნება ისე მოედო სხეულს, როგორც ქილიდან გადმოღვრილი თაფლი წითელი საცხით შეღებილ ტუჩებს. ხანდახან ხდება ხოლმე, ყოვლად შეუფერებელი ვითარება გაგრძნობინებს, რომ მაიმუნი არ ჩამოსულა ხიდან, არ დაურტყამს ჯოხი მიწაზე და ადამიანად არ განვითარებულა. უბრალოდ, ღმერთმა შეგქმნა და ღვთიური ენერგია ფეთქავს სხეულში, ყოველივეს შეძლებ! ახლა ადგება და წინ წავა... შენ კი სად ხარ?! მის წარმოსახვაში დაიკარგე თუ არც გახსოვს, რომ ოდესმე არსებობდი? მის გვერდით, გულში, წარმატებასა თუ ტალახში შენ არსებობდი. ის კი ადგა და წინ წავიდა. მეათასედ ადგა და...

03.2018