ნაწარმოებები


ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: ნინა გორდაძე
ჟანრი: პოეზია
21 მარტი, 2018


ეჰეი!

სად ჯანდაბიდან მოხვედი, ასეთო უკუღმართო სიყვარულო,
ან რატომ უკან არ ბრუნდები, ისევ ჯანდაბაში?!
იმაზე მაინც მიპასუხე,
სიყვარულო,
ამას რა ჰქვია:
უგულობა,
თუ არაკაცობა,
თავი ისე მაგრძნობინოს
თითქოს მკვდარი ვარ,
მაგრამ სამსჯავროში უსასრულოდ გაჩხერილი,
არც სამოთხე მაღირსოს
და არც ჯოჯოხეთი.
რამდენჯერაც მაჩუქე ფრთები,
სიყვარულო,
იმდენჯერვე ეკლად გადამიქციე,
მიდი, დამწყევლე:
რაც არ გინდა ღმერთმა ნუ მოგცესო, - მითხარი,
მე კი დალოცვად ჩავთვლი,
ოღონდ მომშორდი!

კომენტარები ილუსტრაციები რეცენზიები