ნაწარმოებები


ლიტერატურული კონკურსი “ლილე 2017“     * * *     დაწვრილებით ფორუმზე, კონკურსების თემაში

ავტორი: გურამ ლაცაბიძე
ჟანრი: პოეზია
18 ივნისი, 2013


  ჩამოტვირთვა

საკუთარ თავს (დაბადების დღისთვის)

ქარი პოეზიას მოჰკიოდეს,
ვისთვის პლიუსი ან მინუსია.
ყოფა გაწყვეტილი თოკია და
დრო კი, დროებითი ილუზია,
სადაც დედამიწამ მითვისტომა,
რადგან ზეცა უფრო ტიხარია.
სადაც სამშობლო მაქვს თითისტოლა,
მაინც ჩემია და მიხარია.
სადაც წვიმა თითქოს მირონია,
უკრავს უნაზესი აკორდებით.
სასაცილოა და ირონია,
ლექსს აქ იშვიათად ვაგონდები.
ჰოდა, საიმედოდ დარჩენილი,
დამაქვს საკუთარი განაჩენი,
მიწა- სამარეც და მარჩენალიც,
სული - ჯალათიც და გადამრჩენიც.
ასე სტრიქონებით დავიბურე.
წლები, წლები უსათნოესია.
ღმერთო, უკვდავებად დამიბრუნე,
შენში ჩარჩენილი პოეზია.

კომენტარები ილუსტრაციები რეცენზიები

საიტის წევრს ნიკით:  რ_____ო_____ი ვულოცავთ დაბადების დღეს