წევრები


პოეზიის საქველმოქმედო საღამო     * * *     დაწვრილებით ლიტ-მოვლენაში და ფორუმზე http://urakparaki.com/?m=13&Theme=1528     * * *    

   ინფორმაცია ნაწარმოებები დღიური

ჰოლმვუდი
რჩეული ავტორი
გაწევრიანდა: 6 აპრილი, 2018
საიტზე ბოლო ვიზიტის დრო: 20 ოქტომბერი, 2020 02:40:09

<< ამბავი იწყება იმით, რომ ერთ ჭაბუკს უსიერ ტყეში ღამე უნდა გაეთია, რათა თავისი სიმამაცე დაემტკიცებინა, მხოლოდ ასე თუ დაიდგამდა გვირგვინს და აღიარებდნენ მეფედ. იმ ღამით ბიჭმა ღვთიური ჩვენება იხილა: ცეცხლიდან წმინდა გრაალი გადმოვიდა, სიმბოლო უფლის მადლიერებისა. ბიჭს ხმა მოესმა: << შენ უნდა იყო გრაალის მცველი, რადგან იგი ადამიანის გულებს განკურნავს>>. მაგრამ ბიჭი უკვე დაებრმავებინა საკუთარ ხილვებს მიწიერი ძალაუფლების, დიდებისა და მშვენიერების შესახებ. და ამ უკიდეგანო გაოცებისას იგრძნო, რომ უბრალო ბიჭი კი არა, ყოვლისშემძლე იყო, როგორც ღმერთი. მან გრაალის ასაღებად ცეცხლისკენ ხელი გაიწვდინა, მაგრამ გრაალი გაქრა... ბიჭს ხელი დაეწვა და საზარელი იარა დარჩა. და რაც უფრო იზრდებოდა ბიჭი, ჭრილობა მით უფრო უღრმავდებოდა, სანამ ერთ დღეს მისთვის სიცოცხლემ აზრი არ დაკარგა. ადამიანებს აღარ ენდობოდა, აღარც საკუთარ თავს, სიყვარულის უნარი გაუქარწყლდა და მას სხვებისგანაც ვეღარ შეიგრძნობდა; მის სულს ის ხილვა ამძიმებდა, მეფე თანდათანობით ჭკნებოდა და სიკვდილი უახლოვდებოდა.
ერთ დღეს სასახლეში სულელი მასხარა შევიდა და ნახა, რომ მეფე ეულად იყო. რადგან სულელი იყო, მეფე ვერ იცნო და მასში მხოლოდ მარტოსული ადამიანი დაინახა, რომელიც საშინლად იტანჯებოდა. მეფეს ჰკითხა: <<რა გაგჭირვებია, მეგობარო.>> მეფემ უპასუხა: <<მწყურია, წყალი მინდა, რომ პირი გავისველო>>. სულელმა აიღო ჭიქა, რომელიც საწოლთან იდგა, წყლით გაავსო და მიაწოდა. სმისას მეფემ იგრძნო, რომ ჭრილობა შეუხორცდა, ხელებზე დაიხედა და დაინახა, რომ წმინდა გრაალი ეჭირა, ის სანუკვარი გრაალი, რომელსაც მთელი ცხოვრების მანძილზე ეძებდა. მეფე სულელს მიუბრუნდა და გაოცებულმა ჰკითხა: <<როგორ იპოვე ის, რაც ჩემმა ყველაზე ბრძენმა და მამაცმა კაცებმა ვერ იპოვეს.>> სულელმა უპასუხა: << არ ვიცი... მარტო ის ვიცი, რომ გწყუროდა>>