წევრები


   ინფორმაცია ნაწარმოებები დღიური

ვერო
ჩვეულებრივი წევრი
გაწევრიანდა: 1 აპრილი, 2010
ტელეფონი:
საიტზე ბოლო ვიზიტის დრო: 17 თებერვალი, 2017 11:38:10
#    #    #



დილით შეგამჩნიე წუხელ გიტირია,
ღამე მტკივნეული იყო, გეთანხმები,
ენა თითქოს შენი სულის ფითილია,
ამბობ რაც იყო და უფრო გეტალღება
თვალის ამღვრეული, ლურჯი გამოხედვა.
გული ხმაურობს და სუნთქავ გამალებით...
(სული სხეულიდან მალე ამოხეთქავს,
ვისაც გეცოდებით თავი გამანებეთ)
შენმა ცრემლიანმა თვალმა დამიფარა,
როგორ ჩაივლიდა ისე სარწყუნისი?!
მარტი ნეკერჩხალის ხეზე აიპარა,
ჩადრი აიფარა მერე ქალწულივით...
მოდი... როგორც ხვია ტოტებს, მომეხვიე,
სული შემიბნიე ყელთან თასმასავით,
ეს დღე კალენდარებს ისე მოჩეხვია,
წამებს ციფერბლატზე ძლივსღა ასავსავებს.
სუნთქვა ჩუმი არის...
სუნთქვა ჩუმი არის...
ღამე ვარსკვლავებად ცაზე მიხატულა.
თვალი დავხუჭე და თვალწინ ჩამიარეთ,
თბილი სიოსავით შენ და სიყვარულმა.