ილუსტრაცია



ამ ვიწრო ქუჩას, ათასობით მგზავრი რომ თელავს, ამ მგზავრებს შორის, ათასობით დადის მენავე. ღმერთო, შენს თმაში ჩავიძირო, მომეცი ნება და მერე შენი გულის ფსკერზე დამანანავე. ჩემს ლურჯ მოსასხამს, ნაპირებზე თუ გამორიყავ, მწვანეთვალება ბიჭის გარდა არავის ანდო, როგორ გავექცე, გამარკვიე, ბედსა და იღბალს ხომ გადარჩება, ხომ იცოცხლებს ის ბიჭი - ვდარდობ. შენ დაიცავი მოგზაური, ღმერთო განეშა, გზა აუბნიე, რომ ჩემამდე აღარ იაროს; იქნებ იმ ერთი შეხვედრისას არც კი გამეშვა, განწყობა რომ არ მქონებოდა სამგლოვიარო. ყველა ქალისთვის წესი არის ასეთ დროს სატი და უარს ვამბობ, ყველა წესზე სიკვდილის გარდა, მენავეები მოჰყვებიან ღმერთო შენს ნაპირს, შენს გაშლილ თმებში შემიფარე, მდინარე განგა.




1 2 3 ... 198 199 200