#ლექსები
ნინო დარბაისელი

პარიზული საღამო
(სონეტი)

კვლავ პარიზში დავეშვი.
უკრავს აკორდეონი,
ჩანან სიუკვდავეში
სულნი  უკიდეონი.

სენა ისე მშვიდია,
ვის ახსოვს ნაგემები.
აქ საათის შვიდია,
- ქუჩის წარმოდგენები!

“-ეს რა ლიტურგიაა?”
ვუცქერ, ვერ გამიგია.
ყველაფერი ღიაა,
რესტორანთა რიგია.

არაამქვეყნიური
გვაწვიმს შამპანიური!




#ლექსები

ნინო დარბაისელი

კლოუნთა სონეტი

ყოველთვის უსმინე კლოუნებს,
ვითომ რომ შტერობენ ისინი,
არ უსმენ? - თავს მოგაკვლევინებს,
როცა  გაისმება სისინი.

გგონია, შემთხვევით წამოსცდათ,
რაც გაიგონე და არ გჯერა,
ნათქვამი -  მიიღე გამოცდად,
ჰოდა, მოემზადე ამჯერად!

სიავე მათით  იტესტება.
ვინ ეტყვის: -  ასე  იტყუებით?!
კანონი არის თუ წესდება,
ჯერ  ბრიყვის ჟღერდება სიტყვებით.

“ ფუჰ! ჭიას  ავყვები?!- ფუჭია!”
რა ჭია!  ავი  მუხრუჭია!