URAKPARAKI

ავტორი: ბიოს
ჟანრი: პოეზია
27 ივლისი, 2009

მე აგაღელვეთ ქალბატონო

მე აგაღელვეთ ქალბატონო, ჰო აგაღელვეთ,
ახლა თვალებს ხრით, შეხვედრისას, თუნდაც ქუჩაში
დახრილ თვალებშიც, კარგად ვხედავ, მზე ავაფეთქე
და ცოტაოდენ აღელვებას, გამჩნევთ სუნთქვაშიც.

მე აგაღელვეთ ქალბტონო, ყალბი ღიმილით,
რომელიც კარტში, ცოტახნის წინ თქვენთვის მოვიგე,
მე აგაღელვეთ ქალბატონო, მაგრამ სინდისი
სხეულს აწვალებს და ვერაფრით ვეღარ მოვირგე.

დგახართ და ხელით, იმ პატარა მაჯას აწვალებთ,
რომელზეც ჩანთის ყური ხტის და გეამბორებათ,
თქვენი სხეული მაგ სითეთრით სადაფს ადაბლებს
უფასურდება, ყველაფერი თქვენს წინ ფერხდება.

მე აგაღელვეთ ქალბატონო? კიდევ არ მჯერა
არ მჯერა, ჩემით მოიხიბლეთ ? თუ მეჩვენება
ალიონისფრად გიღაჟღაჟებთ ლოყები ვხედავ,
თავის თითებით ჩემს მაგივრად მზე გეფერებათ.

თვითონ კი ამ დროს, ხელებს ვმალავ, შარვლის ჯიბეში,
რადგან არ მინდა, შეამჩნიოთ როგორ თრთის თქვენს წინ
ირონიულად გავიღიმებ, და გაგეცლებით...
დაგიბრუნდებით, როცა თრთოლვას სიმშვიდე შეცვლის.

გადმოწერეთ PDF ფორმატში

კომენტარები

ილუსტრაციები

რეცენზიები

36. keTilSobilio da Cemi keTilSobileba ver vnaxe aq:)

nagavi :)

გივი ავალიანი. 2011-01-03 23:26:00

35. მაგრამ სინდისი
სხეულს აწვალებს და ვერაფრით ვეღარ მოვირგე.

უსინდისო სინდისი:D

კატერინა. 2009-10-26 21:30:37

34. საყვარელია:)

ჭორფლიანი გოგოო. 2009-10-22 20:55:52

33. ძალიან მომეწონა! გადავხედავ სხვებსაც :)

ნაპერწკალი;. 2009-09-12 14:59:05

32. კარგია... :)

ლომი. 2009-09-12 13:46:51

31. ლამაზი ლექსია! კაგრად წერთ! :)

თამუ. 2009-07-31 18:20:23

30. ეს ინტრიგა იყო ახლა? :D

საინტერესოა ვინ გგონივარ, მიჩურჩულე თუ გინდა ;)

ბიოს. 2009-07-29 18:22:22

29. ისა,შვებულებაზე,ის ლექსიც წავიკითხე და
ნამეტანი ნუ დარჩები პოეტურ შვებულებაააშიიიი...:D

ეს შენი ლექსებია?! მე უკეთესები ვიცი შენი...

ადიოს ამიგო გევედიიი...:)

კომენტარები განაახლე,ძველს მიგიგაააავს!

გავედი აბა! :)

ჯალალი. 2009-07-29 18:15:36

28. ნამდვილად ასე ჯობს! :)

ლელა-65. 2009-07-28 23:59:47

27. იქნებ ასე ჯობდეს :)

ბიოს. 2009-07-28 16:47:32

26. ირონიულად გავიღიმებ, და გაგეცლებით...
დაგიბრუნდებით, როცა თრთოლვას სიმშვიდე შეცვლის.

მომეწონა ლექსი ძალიან...
ოღონდ, "პაწაწუნა" ვერც მე მოვუხდინე საერთო განწყობას...

jaden. 2009-07-28 15:44:06

25. 7. ეს კარგია, ბიოს! იქნებ ამ სტრიქონს რამე მოუხერხო: მე რომ არ ძალმიძს, თავის თითებით მზე გეფერებათ.
იქნებ ასე:
თავის თითებით ჩემს მაგივრად მზე გეფერებათ...
იმო ჯახუანი. 2009-07-27 17:07:25

მართალი ხართ ბატონო იმო ჩავასწორე.

ბიოს. 2009-07-28 13:37:33

24. "მე რომ არ ძალმიძს, თავის თითებით მზე გეფერებათ." აქ ზედმეტი მარცვალია და რიტმიდან აგდებს ლექსს....

ლექსი ნორმალურია, რათქმაუნდა ჩამოუვარდება რეჟისორის მიერ წარდგენილს, მარა მაინც... გისურვებ წარმატებას... 4

ლელა-65. 2009-07-28 13:09:54

23. ზმნების გარითმვას მოერიდეთ... წარმატებები

mexanic. 2009-07-28 12:45:45

22. ჩემი აზრით არცერთ ლექსს არ ჰგავს და ძალიან კარგია! ძ ა ლ ი ა ნ !

ლიკა_ოხანაშვილი. 2009-07-28 11:33:03

21. ძალიან მომეწონა...
თითქოს ისეთი ძლიერი ლექსი არაა მაგრამ...
საოცრად მომეწონა :) რამდენჯერმე წავიკითხავ
გაიხარეთ!!!

ლიკა_ოხანაშვილი. 2009-07-28 11:28:48

20. რიტმია იგივე! :)

რეჟისორი. 2009-07-28 11:16:50

19. 16. არ გეწყინოს ჯიგარო, მაგრამ სუფთა ესაა

არ მწყინს ჯიგარო, მაგრამ მე ვერ ვხედავ საერთოს ამ ორ ლექსში, გარდა გრძნობისა :)

ბიოს. 2009-07-28 10:53:50

18. თქვენი სხეული მაგ სითეთრით სადაფს ადაბლებს

სულ ვამბობ, არაფერი შეედრება სადაფისფერ კანს-მეთქი :)

კარგი იყო და ასევე მერვე კომენტარს ვეთანხმები.

ქეთ. 2009-07-28 03:44:04

17. 5555

აიდა. 2009-07-28 03:28:44

16.

არ გეწყინოს ჯიგარო, მაგრამ სუფთა ესაა

ქალბატონო

რატომ გგონიათ ქალბატონო, თითქოს წუხელის
თქვენით შეშლილი მივეძალე ასე კონიაკს,
არა, ეს მხოლოდ ახირება იყო წუხილის,
თქვენ კი გგონიათ,
ქალბატონო, თქვენ კი გგონიათ,
რომ მარტოოდენ თრობისათვის უაზროდ ვსვამდე,
ან სასიკვდილოდ შევიტოვე მეშვიდე ტყვია;
მე შემიძლია გიერთგულოთ იმ სადგურამდე,
რომელსაც ბოლო, ან უბრალოდ, სიკვდილი ჰქვია.
მიეძინება ამ ვნებასაც დროის მირაჟში,
მიეძინება როგორც მზისგან ნაგმობ ფოლიანტს,
თქვენ მომღიმარი დაბრუნდებით მყუდრო ბინაში,
მე კი სად წავალ, ქალბატონო, როგორ გგონიათ?!
ეს არც ფიცია, არც ღაღადი, არც აღსარება
თუ თქვენი კდემა გავიხადე სიგიჟის ძეგლად...
და ყველა მზერა, თუ უსიტყვო ამკვნესარება
იკმარეთ ჩემი თავხედობის მოსატევებლად...
და ნუ გგონიათ, მარტოოდენ თრობისთვის ვსვამდე,
ან საფეთქლისთვის ჩავარჩინე ლულაში ტყვია;
არა! უბრალოდ ერთგულება მწამს სადგურამდე,
რომელსაც ბოლო, ან უბრალოდ, სიკვდილი ჰქვია.

რეჟისორი. 2009-07-28 00:40:35

15. თვითონ კი ამ დროს, ხელებს ვმალავ, შარვლის ჯიბეში,
რადგან არ მინდა, შეამჩნიოთ როგორ თრთის თქვენს წინ
ირონიულად გავიღიმებ, და გაგეცლებით...
დაგიბრუნდებით, როცა თრთოლვას სიმშვიდე შეცვლის.

მომეწონა...5

ჭა. 2009-07-28 00:12:49

14. :)

ძმა. 2009-07-27 21:24:30

13. მე აგაღელვეთ ქალბტონო, ყალბი ღიმილით,
რომელიც კარტში, ცოტახნის წინ თქვენთვის მოვიგე,
მე აგაღელვეთ ქალბატონო, მაგრამ სინდისი
სხეულს აწვალებს და ვერაფრით ვეღარ მოვირგე.

55

ალივაკელი. 2009-07-27 20:05:23

12. ნიკის ვეთანხმები.
ლექსი მომეწონა :)

სოფო ბაჩილავა. 2009-07-27 19:38:26

11. ის ლექსი რომაა... რა სიმშვიდეაქალბატონო... ცოტა ოიმას ხომ არ ჰგავს?

ფორუმთმავალი. 2009-07-27 19:13:01

10. კარგია

ნუკი. 2009-07-27 17:58:21

9. მე აგაღელვეთ ქალბტონო, ყალბი ღიმილით,
რომელიც კარტში, ცოტახნის წინ თქვენთვის მოვიგე,
მე აგაღელვეთ ქალბატონო, მაგრამ სინდისი
სხეულს აწვალებს და ვერაფრით ვეღარ მოვირგე

მომეწონა ძალიან :)

mer@bi. 2009-07-27 17:27:40

8. კარგი ლექსია 4 ქულა

" პაწაწუნა აღელვებას" პაწაწუნა ლექსის შინაარსს არ უხდება ჩემი აზრით

ნ-ი-კ-ი. 2009-07-27 17:22:52

7. ეს კარგია, ბიოს! იქნებ ამ სტრიქონს რამე მოუხერხო: მე რომ არ ძალმიძს, თავის თითებით მზე გეფერებათ.
იქნებ ასე:
თავის თითებით ჩემს მაგივრად მზე გეფერებათ...

იმო ჯახუანი. 2009-07-27 17:07:25

6. მშვენიერი ლექსია, სათაური განსაკუთრებით :)

ნათია კახიძე. 2009-07-27 16:53:39

5. 5

მაკუცა. 2009-07-27 16:13:45

4. 5

მაკუცა. 2009-07-27 16:13:44

3. ძალიან კარგია

მიყვარს "ქალბატონოზე" ლექსები და ყოველთვის (ყველა ავტორის მიერ) სასიამოვნო წასაკითხი "გამოდის" რატომღაც:D

გაზაფხული. 2009-07-27 15:58:16

2. 5+

ბუბულიკა. 2009-07-27 15:46:55

1. მომწონს.

თეა თაბაგარი. 2009-07-27 15:41:46