მე შევეჩვიე შენს ლამაზ ხელებს,
            ბროლივით ასხმულ კლავიშებზე
            აკეკლუცებულ მუზათა ფერებს.
            მე შევეჩვიე უძირო თვალებს,
            ღამის წყვდიადშიც რომ დაგინთებენ
            მითიურ  ალებს.
            მე შევეჩვიე შენს ზღაპრულ ღიმილს
            უსასოოს და მიუსაფარს
            გამიქარვებენ წარსულის ტკივილს. 
            მე შევეჩვიე შენს ბაგეს ეულს,
            აქოჩრილ ზღვაზე მონარნარე
            კოცნას შორეულს  ...
            შველივით სხეულს
            სიზმარში  წვეულ
            ზღაპრულ ორეულს...
            მე შევეჩვიე შენს ყოველ ბგერას
            გიცქერ და ვუსმენ
            ჩემს გულის ძგერას.
            მე შეგეჩვიე ისე რომ ალბათ
            ვერ  შეგელევი, …
            დაგეწაფები ყოველ წამს ხარბათ.
            მე  შევეჩვიე შენს სიყვარულს
            და  მუდამ მინდა
            რომ ვსვამდე თასით
            მარადიული შეჩვევის შარბათს. …