ჩამომეწურა თანაშეზრდილი
აკვნიდან წვეთი,
დედის ნაჭმევი
მთელი მაწონი გამომეწურა,
აღარ შემომრჩა ბავშვური ცრემლი
და ის ღიმილიც გადამეწურა.
გამოვიხარი,
ჯიხვიდან მხოლოდ
ფიტული დავრჩი,
გახსნილ ვენიდან
თალხისფერი წვეთები წვეთავს,
ერთი, ათასი, ათიათასი,
ჩამომეწურა.
ამომეწურა?
ყველა ტკივილი, ყველა ბოღმა
და ყველა ცოდვა,
ამოვიწურე
როგორც რიგითი, ერთი მოკვდავი,
გარდა-ვიცვალე, გამოვიცვალე,
ხევსური ვარ და არა ფიტული,
მე ტკივილისგან ჩამოვიწურე

2006