ყოველ გათენებულ დილას ლამაზი თავგადასავლის მოლოდინით შეხვდი. სარკეში საკუთარ თავს გაუღიმე და უთხარი, რომ საუკეთესო ხარ არამარტო ახლობლებისთვის, არამედ  მრავალი იმ უცნობისთვისაც, რომლებიც ქუჩაში გხვდებიან, ამიტომ არ დაივიწყო და გაუღიმე მათაც. გაიხარე ყოველი მომღიმარი სახის დანახვისას და ყოველ ნაღვლიან შემხვედრს გულწრფელად უსურვე ბედნიერების ღიმილი სახეზე.
გაიხარე შენი მეგობრებისა და ნაცნობების წარმატებით, რათა თვითონაც ბევრი გულშემატკივარი გყავდეს. ყურადღებით მოეკიდე ყოველ თუნდაც უმნიშვნელო ამბავს, ეცადე გამოიტანო საჭირო დასკვნა... იყავი მომთმენი და შემწყნარებელი, გახსოვდეს უფროსი მარტო ასაკით არაა მხცოვანი, მან დიდი გზა განვლო და შესაბამისად ბევრი ისწავლა ცხოვრებისგან, ისწავლე უფროსების დაფასება, მოსმენა და ეცადე დაიმახსოვრო მათი შეგონებანი.  ხვალ  შენ მოგიწევს სხვების სწავლება.
  დაიმახსოვრე შენ საზოგადოების ნაწილი ხარ, ეცადე საუკეთესო რგოლი იყო, უკეთესობისკენ შეცვალე შენს ირგვლივ სიტუაცია, ეს შენ შეგიძლია, იმიტომ რომ ძალიან ძლიერი ხარ. საზოგადოებრივ აზრზე გავლენას, სიტუაციის მართვას ძლიერი ადამიანები ახრხებენ, შენ კი არც ძალა გაკლია და არც გონება.
  შენ ხარ შენ!!!  და მე ვამაყობ, რომ შენ ჩემი შვილი ხარ...  განსაკუთრებული, მშვენიერი, ძალიან ძლიერი და გონიერი!!!  მ ი ყ ვ ა რ ხ ა რ!!!