ა-ქლემი კუზში წყალს იმარაგებს,
ბ-აყაყი ყიყინებს ტბაში,
გ-იტარა უკრავს, მღერიან ჰანგებს,
დ-ათუჩა ცხვირს ჰყოფს სკაში.
ე-ტლი ქუჩაში ხმაურობს, რახრახებს,
ვ-არდი კეკლუცობს ბაღში,
ზ-ღარბუნა ბოსტანში დაგორავს , ტანტალებს
თ-ევზი კი დაცურავს წყალში
ი-რინე ნაწნავებს თავადვე იწნავს,
კ-უ ნაბიჯს ვერ დგამს წამში
ლ-იმონი მჟავეა , სიცხისგან გიცავს,
მ-აკაკა გიცქერს თვალში,
ნ-იორი მწარეა,ენასაც გიწვავს,
ო-ბობა ქსელს ქსოვს სახლში,
პ-ინგვაინი ყინულის საბადოს იცავს,
ჟ-ირაფი არ ცხოვრობს მთაში.
რ-ობოტი აკეთებს ყველაფერს თავად
ს-აზამთრო მწიფობს ზვარში.
ტ-რაქტორი ბურდღუნებს, მიწას ხნავს სწრაფად
უ-რემი მისდევს კვალში.
ფ-ოცხვერი კატისებრ ჯიშს მიეკუთვნება,
ქ-ამარს კი ვხმარობთ ლახტში
ღ-ამურა, მოვძებნოთ, სხვენში თუ იქნება
ყ-ოჩივარდა კი _ ბაღში.
შ-უქნიშანი, კვლავ, ინთება_ ქრება
ჩ-აის იდუღებს ბავშვი,
ც-იყვი ტოტიდან სხვა ტოტზე ხტება,
ძ-როხის რძე ასხია სათლში.
წ-ისქვილი ფქვავს და დუდღუნებს, ღიღინებს
ჭ-ალა გაჩეხეს წამში,
ხ-ვლიკი გაიქცა, ბალახი ბიბინებს,
ჯ-ამი გავცვალეთ თასში.
ჰ-ამაკი ცამდე აგვაფრენს, ვთამაშობთ,

ანბანიც გვიდევს თავში.
თუკი თქვენ გაკვეთილს არ სწავლობთ, ზარმაცობთ,
მაშ ვინ იქნება ბრალში?.
მანანა ტონია