უკან მოხედვისას მტვერში დავინახე
მისი სახე,
რომლის შეხედვა მზის ამოსვლას ჯობდა
ჩემთვის,
ატივტივდა ფიქრები და დამაბრმავა
თვალებში შემაყარა
სიმართლე ...
ცხელმა ხამსინმა
ვნება გამიღვივა...
ტკივილი დამასწავლა და
ცოტათი გამაწვალა,
უღონოდ ჩამოვყარე
ფრთები...
სამი დღე...
ბევრი წუთი და წამი
სამი დღე...
ფრენა უფრთოდ,
განცდა სიმაღლის და
მერე დანარცხების,
სიყვარული
მაგრამ უღვთოდ.
უკან მოხედვისას მტვერში დავინახე
მისი სახე,
რომლის შეხედვა
მზის ამოსვლას ჯობდა ჩემთვის