ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: იოჰან ხევსური
ჟანრი: პოეზია
29 იანვარი, 2009


აივენჰო

არაფერი - იწყებოდა უშენობით
უშენობა იწყებოდა - უარაფროდ

ქუჩას ჰუასარი კვეთს, კესანები
კერძად გაუხდიათ უსაბელო

სადავე მიშვებული ცხენის, მსგავსად
ცა რომ დატორა და ჩაირა

შიკრიკი მუშკეტერი არ გეგონოს
წერილს სინანულად ნუ აღიქვამ

ნუ აღიქვამ სევდას საოცრებად
ნოსტალგიას გრძნობას ნუ დაარქმევ

მხოლოდ შენი სახლი მენატრება
ქუჩად გაკიდული აივანი

ატმის რტოებს
ანაცვლებენ ლარნაკებში

ცვილის ფიგურები ვიტრინიდან
ცვილის თითებითვე ჰუსარისკენ

წადი, გაიქეცი, აივენჰო

არაფერი იწყებოდა - უშენობით
უშენობა - იწყებოდა უარაფროდ.

კომენტარები ილუსტრაციები რეცენზიები

საიტის წევრს ნიკით:  უმა თურმანი ვულოცავთ დაბადების დღეს