ეთხელ სამოთხეში შევიხედე,
უცებ შევშინდი და წამოვედი.
შენი სიფერმკრთალე შემეფეთა
იმ დაულაგებელ სამოთხეში
მერე ოცნებები გამიბაცდა
სხვისმა გამიტყუეს დემონებმა
თალხი სისადავე შემომაცვდა
ისე წავიხდინე გემოვნება
ბედმაც,
ჭიდილს რაკი გადავყევი
ავად დამიჯინა კამათელი
გათავხედებული უშენობა
კვალში
მომყვებოდა სამართებლით
გახსოვს? სამოთხეში შემახედე
მე კი სულელივით გაგექეცი
შენმა სითამამემ შემაშფოთა
მკრთალად
განათებულ სამოთხეში