ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: დერვიში
ჟანრი: პოეზია
25 აპრილი, 2019


გორკის 13

ქუჩაა. ვიწრო. ღამის მყუდროება. გორკის 13.
ორნი ვართ. აპრილის ნიავი. იტალიური ეზოები.
ყეფაა შორიდან. თანმხლები უთუოდ. ამდაგვარ ღამეთა.
წარწერა. ჭიშკარზე. ჩრდილების ერთმანეთთან მოზომება.
გზადაგზა ვეწევით. სასმელიც შემოგვრჩა. რუსული ფირფიტა.
თუნუქის ქილა. მარლბოროს კოლოფი. პირღია ბუნკერი.
წამწამთა ფარფატი. მწერების ფარფატი. პეპლების ფარფატი.
პირღია ბუნკერი. მწერების ფარფატი. სახეებს ვუკერავთ.
უცნაურ სახეებს. გაბადრულ სახეებს. აპრილის მურიცხებს.
მთვარეა ნამგალა. მთვარეა პირ-ბასრი. მთვარეა აშარი.
ათასი ნაბიჯი. ათასი. ათასი. ათასი. ურიცხვი.
და კიდევ ათასი. და კიდევ ათასი. და მაინც შორია.
მოვედით. ჩიხები. წრეზე ვართ. წრეზე ვართ. წრეზე ვართ.
ყეფაა შორიდან. თანმხლები უთუოდ. ამდაგვარ ღამეთა.
სიზმართა ჯარია. სიზმართა. სიზმართა. სიზმართა რეზერვი.
ორნი ვართ. ქუჩაა. ღამის მყუდროება. გორკის 13.

კომენტარები ილუსტრაციები რეცენზიები