გაუმარჯოს ურაკპარაკს
(სალაღობო სადღეგრძელო)

გამოვაღებ მწვანე სარკმელს
და ვკითხულობ ყველას ამბავს ...
ზოგიერთი ისე დაწერს,
თავს და ბოლოს ვეღარ აბამს.
ზოგის თხრობა ისეთია,
სიბილწეში ტოლი არ ჰყავს.
ზოგი ისე ჩუმად დაწერს,
ვერ გაიგებ მის ლაპარაკს.
ზოგი ხმაურიანია,
განიხილავს ყველას ავ–კარგს,
ზოგი რძეში ჩავარდნილს ჰგავს,
უეჭველად ადღვებს კარაქს.
ზოგის ტექსტი დაკიაფობს,
მოგაგონებს ცისკრის ვარსკვლავს.
ზოგის ლექსი, დრო გადის და,
თავდაპირველ ხიბლს არ კარგავს.
ზოგიერთი ისე გიპყრობს,
წაგაკითხებს თავის არაკს.

ჰოდა, ყველას გაუმარჯოს!
გაუმარჯოს ურაკპარაკს!


2019 წლის 22 ივლისი

განთავსდა 2019 წლის ივლისის თვის თავფურცელზე.