ისევ ძველებურად ვდაობთ -
ძარღვში სისხლი არ გაგვიშრა.
გარეთ არ გამიშვა, დაო!
დაო, ხელი არ გამიშვა!

ქარი მიასკდება ბირკულს,
ოდას გამოაცლის ძეკვენს.
შენ არც იცი როგორ მიყვარს
შენი სიმღერა და ცეკვა.
ყველგან უსახელოდ თაობ,
(შენ ახლა თქვი, თორემ ადრე...)
როგორ დაგავიწყდა, დაო ?!
დაო, მწამლავს ოლეანდრე!

ისევ ძველებურად ვდაობთ
ჯერაც ცრემლი არ გაგიშრა...
გარეთ არ გამიშვა, დაო!
დაო, ხელი არ გამიშვა!

სადაც ქარი ამოვარდა,
სივარაიდა სადაც იშვა,
მეც იმ გემის გამო ვარ და
კაპიტანმა გამომიშვა
მოსატანად პაპიროსის,
მოსახატად პაპირუსის.
ხმელეთს ზურმუხტებით ვმოსავ,
ყიფლიბანდს კი ცა-ფირუზით.
ქარი მიასკდება ბირკულს,
ქარი ამილესავს ხანჯალს,
შენ რა იცი, როგორ მიყვარს
შენ რა იცი, როგორ მტანჯავს...

ისევ ძველებურად ვდაობთ,
ჯერაც ცრემლი არ გაგიშრა.
გარეთ არ გამიშვა, დაო!
დაო, ხელი არ გამიშვა!