კელიაში იყო ბერად,
ისტორიად, მითად, ერად.
დავიწყება იცის, დედა -
დავიწყება ისეთი.
შავი ზღვიდან მონაბერი,
ქარი აფხაზურად მღერის.
ისევ ტირის ლემადე და
აჭარაში ისევ წვიმს...
ნაღმები და ნიყვებია.
ჩამავალ მზეს მიყვებიან,
ისტორიებს მიყვებიან
რაინდები, მეფენი.
შავი ზღვიდან მონაბერი,
ქარი აფხაზურად მღერის,
იალაღზე ყაყაჩოებს 
ეალერსა რეფრენი.
ჭერი, ჭა და კარ-მიდამო
სავანეა სამუდამო.
დავიწყება იცის, დედა-
დავიწყება ისეთი.
შავი ზღვიდან მონაბერი,
ქარი აფხაზურად მღერის.
ისევ ტირის ლემადე და
აჭარაში ისევ წვიმს...