ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: დერვიში
ჟანრი: იუმორისტული
26 მაისი, 2020


* * *

ვერც პუშკინს და ედმონ დანტესს,
ვერც სერვანტესს და ან დანტეს,
ვერ დავუკრავ მე ანდანტეს,
დრო თუ მოდის კომენდანტის.
ფილმს თუ იღებს იმამურა,
ტადასი ან კუროსავა,
მივეგდები კუროსავით
საძოვრებზე ანანურის,
აქ დამხვდება ველასკესი,
ზვინებს ხატავს ცადაწვდენილთ,
ვისაუბრებთ პელაზგებზე,
ეტრუსკებსაც გადავწვდებით,
წინ კობო და უკან აბე,
წინ იოკო და უკან ონო,
ვზივარ, ყოვლად უკანაფო,
არას ვჩადი უკანონოს,
უკანონოს არას ვჩადი
და შენც გირჩევ, აირიდე,
აქ, მახლობლად არის ჩადი
თუ გადახვალ ზაირიდან,
უკან ადის-აბებაა,
წინ კობო აბეებია,
არც სხვაგვარი აბებია,
არც ლირიკა, არც ანდანტე,
ჩემს ლიბოში ობობაა,
შენს ეზოში ბაო-ბაბი,
აბა, ჩავრთოთ აბბა, ბაბა
და იწყება კომენდანტი.

კომენტარები ილუსტრაციები რეცენზიები