ამაო არის ყველაფერი... გულის ნებაზე თავის მიშვება,
სხვისი სურვილის, სხვისი სიტყვის ბანზე აგდება, თავისუფლება!

ახლა ვინანე სიხარული, ახლა ვიმტვრიე თავში ხელები,
მეტი და მეტის ძებნაში რომ გავლიე სავსე დღეები, წლები...

ახლა ვინანე ჩემო თავო ჩემივე მტერო რაც გავიარე,
ოხ, რატომ ყოფა შენი გზებით და შენი რწმენით არ მოვიარე.

ამაო არის ცისარტყელას შვიდივე ფერი, სიტყვა - მიყვარხარ!
ამაო არის ღმერთო ყველა და ყველაფერი სადაც არა ხარ.