ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: დერვიში
ჟანრი: პოეზია
27 აგვისტო, 2020


4 seasons

თითქმის ყოველ საღამოს მემართება დეჟავю,
უკვე თვეზე მეტია ვუსმენ მხოლოდ ვივალდის,
ღამეები სიჩუმეს უსირცხვილოდ ღეჭავენ,
ღამეების სიჩუმე არც იქამდე მიყვარდა.
მალე, თვალს და ხელს შუა მომადგება სეზონი,
უეცარი სიყვითლის, ვთქვათ, ზაფხულის მევახშე,
ხელოვნების მახეში გაებმება სეზანი,
საზანი და სუზანა-ნემსკავზე და ხელკავში.
ამინდები იქნება უფრო მეტად მდედრული,
ამინდები იქნება მეტად სასიყვარულო,
გადავცურავთ უთუოდ მოდიდებულ ქვედრულას,
გადავცურავთ უთუოდ მოდიდებულ ღვარულას,
გადავივლით უთუოდ ციხვარგას და ბურჭულას,
გადავივლით უთუოდ ლაბოდას და ხიხათას,
თითქმის ყოველ საღამოს, როგორც ერთი ურჯულო,
უკვე თვეზე მეტია ვუსმენ მხოლოდ ვივალდის,
ყური ახლოს მოწიე, უნდა წაგიჩურჩულო,
ღამეების სიჩუმე არც იქამდე მიყვარდა...

კომენტარები ილუსტრაციები რეცენზიები