ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: მანანა კაკაჩია
ჟანრი: პოეზია
20 დეკემბერი, 2020


მთავარია (გამოიწვიე პოზიტივისთვის)

მთავარია
ხვალინდელი დილა
თუ ხალისით გავსებს,
მზე იცინის ხშირად
შენი სულის ცაზე,
სიყვარულის ძალით
თუ დაფრინავ ცაში,
სულში თუ კი ცხოვრობს
მიამიტი ბავშვი,
დაიჯერე, შეძლებ
შეწვდე ცისარტყელას ,
მთავარია, მუდამ
გრძნობდე აღმაფრენას.
თუ კი გული გიცემს
ახალგაზრდულ გზნებით,
ვერას დაგაკლებენ
გაფრენილი წლები.
თმები გაგითეთრდა,
ვით თოლიას ფრთები,
მთავარია, გულით
კვლავ ჭაბუკი რჩები.


კომენტარები ილუსტრაციები რეცენზიები