ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: პალატამერვე
ჟანრი: პოეზია
23 დეკემბერი, 2020


* * * (წერაც გეზარება, წერასაც ორჭოფობ.)

წერაც გეზარება, წერასაც ორჭოფობ.
ეწევი გახვეულ "ციგარკას" მატროსულად
და გიწევს სიბერე, ასეთი უჭორფლო,
ასეთი დიდი და მარტოსული.

კითხულობ ფლობერის „ბოვარის“ , „სალამბოს“,
არაყს სვამ საზღვაო მათარებით.
სოხუმზე არასდროს არაფერს არ ამბობ
და მოგწონს მგზავრობა მატარებლით.

წვიმიან ამინდშიც არ იტეხ იხტიბარს,
სიზმარს ჩაყოლილხარ ძირულაში
და გამოგიტყდები, საშინლად გიხდება
ვილვეტის პალტო და წვერ-ულვაში.

წერაც გეზარება, წერასაც ორჭოფობ.
ეწევი გახვეულ "ციგარკას" მატროსულად
და გიწევს სიბერე, ასეთი უჭორფლო,
ასეთი დიდი და მარტოსული.

კომენტარები ილუსტრაციები რეცენზიები