ცხოვრება გავიდა იმის მერე.
ჰოკუსაი და უემურა
გიყვარდა. ახლა იისფერი
თოვლია. ჩაი უგემურად
ცივდება. ვწუხვარ, მაპატიე!
ჩემი გაუვალი ხასიათი
კაცხის სვეტია, რაბათია-
მუდამ ვამეტებ და ვაზვიადებ.
სახლი, მეჯლისების გასამართად,
გასვენებამდე გამოდგება
და მაინც, ძველი მისამართი,
ძველი ჩვევები გამუდმებით.
წყალსაც წაუღია დანარჩენი,
ლექსებიანად, მაგალითად!
შენი ოსტატი და მარგარიტა.
ასე, თამბაქოს დანაჩვევი,
სახლი კვამლისგან იბერება.
ახლა მთავარია- დამისხამდე!
მერე აღარ ვსვამ გაისამდე.
ვახველებ: „ბელა სიბერეა“.
თოვლში ჩარჩენილ ურმებს, ციგებს
ფუნჯით ეხები, ათანაბრებ,
როგორც უტაგავა ჰიროსიგე,
როგორც, ტოჰაკუ ან ვატანაბე.
ასე, უსიტყვოდ, ასე, უხმოდ,
უდიერად და გულაშვებით,
ლექსებს გიწერდი საპასუხოდ
შენი ფუნჯების და გუაშების.
ცხოვრება გავიდა იმის მერე.
ახლა თოვლია იისფერი.
| კომენტარები |
ილუსტრაციები |
რეცენზიები |
|
7. წარმატებები წარმატებები
6. მხოლოდ რამოდენიმე პოეტია ვის ლექსებსაც აქ ვკითხულობ. ერთერთი შენ ხარ. მშვენიერია +5 მხოლოდ რამოდენიმე პოეტია ვის ლექსებსაც აქ ვკითხულობ. ერთერთი შენ ხარ. მშვენიერია +5
5. მე ისტორიას შემოვრჩები,როგორც შენი ლექსების "ზეპირმთქმელი":)))
იმდენჯერ გადავიკითხე,მეყო დასაზეპირებლად.<3
სირცხვილია 2 ქულა ,მაგრამ არ არის მეტის საშუალება.:) მე ისტორიას შემოვრჩები,როგორც შენი ლექსების "ზეპირმთქმელი":)))
იმდენჯერ გადავიკითხე,მეყო დასაზეპირებლად.<3
სირცხვილია 2 ქულა ,მაგრამ არ არის მეტის საშუალება.:)
4.
მგონია, რომ ეს ლექსი დაორთქლილ ფანჯრის მინაზე დაწერე...
მგონია, რომ ეს ლექსი დაორთქლილ ფანჯრის მინაზე დაწერე...
3. საოცარი განწყობა, საოცარი ასოციაციები მოიტანა.:))+++++ საოცარი განწყობა, საოცარი ასოციაციები მოიტანა.:))+++++
2. Мастер слова :) Мастер слова :)
|
|
| მონაცემები არ არის |
|
|
