ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: პალატამერვე
ჟანრი: პოეზია
23 მარტი, 2021


ბენჟამინ ლეხტერს

მე ძლიერ მიყვარს მოწეულზე ბროდსკი და ბრეხტი.
მე რახანია აღარ ვუსმენ ამათ გამომთრევთ.
მოდი ,გამოვთვრეთ, მეგობარო, ბენჟამინ ლეხტერ,
მოდი, გამოვთვრეთ!

რომ არაერთხელ გაგვახსენდეს, რომ არაერთხელ...
რა უმნიშვნელო არის ახლა გემო, ხარისხი.
ერთიც დამისხი, მეგობარო ბენჟამინ ლეხტერ,
ერთიც დამისხი!

ჩვენ გავიქეცით სახლებიდან, გაქცევა ჩვენი
საჭირო იყო ჰაერივით, მაგრამ ხანდახან
დაბრუნებაა ეს ცხოვრება და მავნე ჩვევებს
ედება სახლში გამოკეტვა, როგორც ყადაღა.
თუ ვაგონდებით, ვაგონდებით დროდადრო ჩვენებს,
უღელტეხილის, ზღვების იქით, მთების გადაღმა.

უკანასკნელი ცხოვრებაა, ცხოვრება ვიცი.
სხვებმა კი ,სხვებმა ამინდებზე ილაპარაკონ.
ატვირთულია ყველა ლექსი "ურაკპარაკზე"
და გულიც რაღაც სხვანაირად ფეთქავს და მიცემს.
სქელი ნისლები ეხვევიან ბებერ ბარაკონს ,
ძალიან მალე გინახულებ- გპირდები, ვფიცავ.

თურმე, ასეთი ყოფილაო, რას ვიზამთ აწი?!
თურმე, შინ სურდა დაბრუნება, სურდა თურმე შინ...
ჩვენც ხომ დავმარხეთ ერთი კაცი, გულღია კაცი.
ჩვენც ხომ დავმარხეთ ერთი კაცი ყვითელ ხურმებში.

კომენტარები ილუსტრაციები რეცენზიები