ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: დერვიში
ჟანრი: იუმორისტული
9 აპრილი, 2021


* * *

თუ დაგიბლაგვდა მახათი,
გადაიკითხე მაჰათმა.
თუკი გაგიცვდა გიშერი,
ბლიცი მოაწყე ფიშერთან.
იყიდე ერთი ბატკანი
ან ბიტკოინი გაყიდე,
გადაიტანე ბოტკინი,
გადმოიტანე მაგიდა.
მიეც გლახაკთა საჭურჭლე,
თავისუფლებას ემონე,
დატოვე შენი ნაჭუჭი,
ან უკეთესი-დემონი.
ნუ ელოდები უარესს,
გახსოვდეს, რარიგ გიყვარდა,
ბატონი ფილიპ ნუარე
და მადამ ანი ჟირარდო,
დიდრო, ვოლტერი და რუსო,
მონტესკიე და დეკარტი,
კოლა და სანტა-კლაუსი,
კოალა, მურთხი, გეპარდი,
დე გოლი, ბუში, ჩერჩილი,
გორბაჩოვი და ელცინი,
ზაფხულის ღამე-უჩრჩილო,
როცა მკვდარივით გეძინა,
როცა მოგპარეს იდეა,
როგორც ლუვრიდან-ჯოკონდა,
ლიმა და მონტევიდეო,
აირესი და ბოგოტა,
კარაკასი და პორტ-სტენლი,
კიტო და პარამარიბო,
გოგონა-უსამოსელო,
ცივი და მიუკარება,
გახსოვდეს ყველა მათგანი,
ვინც არ გაგწირა, დაგინდო...
იყიდე ერთი ბატკანი
ან ბიტკოინი გაყიდე.

კომენტარები ილუსტრაციები რეცენზიები