არც საწყისია, არც სასრულია,
არის მორიგი დავა და ოხვრა,
ზოგს ისტორიის დაცვა სწყურია,
ზოგიც იძახის: - განა რა მოხდა?!

ყოფამ ვერაფრით მოგვსპო სრულიად,
თუმცა მრავალი ფესვი გამოხრა...
სამშობლოს ჩვენსას სულ სხვა სული აქვს,
რომლის წინაშეც ღირს ქედის მოხრა!

ეს მიწა ღვთისგან კურთხეულია,
ღვთისმშობელი ჰყავს ქართველს მეოხად...
დღეს ნამოხვანში ქვეყნის გულია
და ქართველობა იცავს ნამოხვანს!