ნაწარმოებები


ლიტ. კონკურსი - - “რჩეულის-რჩეული“     * * *     დაწვრილებით ლიტ-მოვლენაში

ავტორი: დერვიში
ჟანრი: პოეზია
28 აპრილი, 2021


სიყვარულს როგორ უძლებთ?

ტელევიზორთან ვიჯექი, მთელი საღამო წვიმდა,
ლოგინზე იდო პიჯაკი, პერანგი, ქუდი, წინდა,
ხელში მეჭირა გაზეთი, აქეთ და იქით ვფურცლე,
სტატია შემხვდა ასეთი: „სიყვარულს როგორ უძლებთ?!“
განა რა დიდი რამეა, ვთქვი და სიცილი წამსკდა,
ცოცხალი იყოს კამიუ, ამგვარ გაზეთთა დასტას,
წამში მისცემდა ბუხარს, მაშინ არ ვიყო კაცი...
მე კი ვზივარ და ვწუხვარ, სახლებს და ხეებს აწვიმს...
ცხელ ჩაის ვურევ პიტნას, წუხილშიც ვურთავ სიცილს,
სიყვარულს როგორ ვიტან? ვერანაირად, მიმძიმს!
ლოგინზე იდო პიჯაკი, პერანგი, ქუდი, წინდა,
ტელევიზორთან ვიჯექი, მთელი საღამო წვიმდა,
ხელში მეჭირა გაზეთი, აქეთ და იქით ვფურცლე,
სტატია შემხვდა ასეთი:„ სიყვარულს როგორ უძლებთ?!“

კომენტარები ილუსტრაციები რეცენზიები