ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ფლორენცია
ჟანრი: პოეზია
29 აპრილი, 2021


მე გაგიღიმებ

"გაგიღიმებთ, დაგაჯერებთ კარგად ვარ თითქოს.
არაფერია ღიმილზე უფრო უკეთესი რამე ნიღაბი.
ღრმად დავმარხავ თითოეულ წამოტირებას
ოღონდაც თქვენ მშვიდად, ბედნიერად, წყნარად სუნთქავდეთ.

გაგიღიმებთ, ყურს დავუგდებ მშვიდ ამოსუნთქვას,
სიამაყის და რიგზე ყოფნის გრძნობამ რომ იცის.
შორს გადავმალავ მარწუხებისგან გამომშრალ ყოფას,
თქვენცც ადვილად, სულ მარტივად ტყუილს იწამებთ.

სულის ტირილით, ზღვა ცრემლებით დაგიბანთ ტერფებს,
რომ მერე თვალი გაგისწოროთ, კვლავ გაგიღიმოთ.
უფრო იოლი იქნებოდა ტკივილით კვდომა
სორაიასი,როცა ძვლებს რიყის ბასრი ქვებით გიმტვრევენ.

გაგიღიმებთ, დაგილაგებთ ყველაფერს თავში,
ასე ადვილად, განა რამ უნდა გამაოცოს ან გადამრიოს?!
დავიფიცებ, რომ ვერასოდეს შემამჩნევთ რამეს,
თუ კი ოდესმე, თუ კი ოდესმე ვინმემ რამე მატკინეთ!

კომენტარები ილუსტრაციები რეცენზიები