 | ავტორი: დერვიში ჟანრი: პოეზია 20 მაისი, 2021 |
(თემურ ელიავას) მე ეს კედლები მენანება, თორემ ბინა კი, წყალმა წაიღოს, სხვას მოვნახავ, უფრო პატარას, რუხი მაგიდა, ტორშერი და უბის წიგნაკი, ლოგინი, იქვე სასთუმალთან, მწვანე მათარა... წიგნების თარო: სერვანტესი, პო, თეკერეი, კიდევ ათასი უცნობი თუ ნაცნობი ყბედი და ორი ბანკი, ჩემი ბინის იპოთეკარი და ზაფხულობით, აივანზე მძინარე დედა. საღამოს ჩაი, საუბრები, სტუმარი ზოგჯერ სულმოუთქმელად წამიკითხავს ბლოკს ან პასტერნაკს... მერე უეცრად შეჩერდება, გვეყოფა, მოვრჩეთ, კარგი იქნება ამ საღამოს ერთი „მასტერკაც“ სადმე რომ მქონდეს მიგდებული, შავი დღისათვის, მოვწევთ, ცოტა ხნით დავივიწყებთ ყოფნა-არ ყოფნას... დღეს კომენდანტიც გადაწიეს თერთმეტისათვის, აწი, რა მოგვკლავს, მეგობარო, აწი რა მოგვკლავს?
კომენტარები |
ილუსტრაციები |
რეცენზიები |
|
5. თემურ ელიავას გაუმარჯოოოს! თემურ ელიავას გაუმარჯოოოს!
4. დერვიშული მადლობაც :) დერვიშული მადლობაც :)
3. აქაც მადლობა :) ბალახა და დერვიში ერთია :) აქაც მადლობა :) ბალახა და დერვიში ერთია :)
2. სამ ქულას ვტოვებ აქ. ფინალი - ზუსტად მიგნებული, ირონია- პაროდიით გაჯერებული… ინტონაციურად - კარგი. უამფინალოდ ეს იქნებოდა ერთი ჩვეულებრივი, ყოფითი ლექსი.
სამ ქულას ვტოვებ აქ. ფინალი - ზუსტად მიგნებული, ირონია- პაროდიით გაჯერებული… ინტონაციურად - კარგი. უამფინალოდ ეს იქნებოდა ერთი ჩვეულებრივი, ყოფითი ლექსი.
1. განწყობის ლექსია, მესიამოვნა წაკითხვა 5
განწყობის ლექსია, მესიამოვნა წაკითხვა 5
|
|
მონაცემები არ არის |
|
|