ნაწარმოებები



ავტორი: გილო
ჟანრი: პოეზია
31 მაისი, 2021


სველი ტილო

იდაყვების ქვეშ ცივი ტილოა,
შეიძლება ოდნავ ნოტიოც,
როგორც არომატული ხელსახოცი
და მიჭირს დავიჯერო გამოფხიზლების სათადარიგო გეგმა
რანაირად შეიძლება მუშაობდეს ასე გაფენილად.
მის უკან აშკარად ვიღაც არის, უფრო სწორედ ვიღაც ჩანს.
პერიოდულად ფრჩხილებს მასობს,
ძვლების შემაერთებელ ნაწილს
ამოვსებული ხრტილისგან
მგონი გათავისუფლებას უპირებს.
კიდეებზე კი უსწორმასწორო წახნაგებიდან
აბურდული ძაფის ბუსუსები,
მინიატურულ კაქტუსებს გვანან.
მათი წარმოსახვითი ეკლის ძირებთან
რძის ფერი ცვარი შეინიშნება.
ამ დროს შეუმჩნეველი რჩება  გამორკვევისთვის
წინასწარ აკვიატებული არგუმენტებით თავდაჯერებული მსჯელობა,
რომელსაც თავისუფალი ზონის სტატუსივით შეუფერებია
ძიების პროცესით გაბეზრებული დამკვირვებლის აშკარა სილუეტი,
რომელშიც გამდინარეა ყოფიერების მაჩვენებლებით აკინძული  გამოსახულება
და მასში მხოლო უსასრულობის ნიშან-თვისება ილექება დილის ნაფაზივით.

კომენტარები ილუსტრაციები რეცენზიები