ნაწარმოებები



ავტორი: დერვიში
ჟანრი: პოეზია
25 ივნისი, 2021


ლამანჩა

იქნებ ეს ღამეც მოვითმინო.
უნდა გადავრჩე.
რუხი კატები ჩამომდგარან ნაგვის ბუნკერთან.
არადა, ისე
კარგად მახსოვს მხარე-
ლამანჩის.
სახლი-იუნკერის.
დედა, რომელიც გვიკითხავდა
საღამოს ლორკას,
ნიავს მოჰქონდა აივნიდან-
სახლში ცერეცო
და, როცა ხერესგამოცლილი
ბოკალი ვლოკე,
როცა ხერესით
თრობას მიეცა კასტილიის მწვანე ზეგანი,
როცა მიწყნარდა ბოლო თხაც
და მწყემსის ბოგინიც.
იდგა საღამო,
უსივრცო და უკიდეგანო,
როგორც ლოდინი...

კომენტარები ილუსტრაციები რეცენზიები