ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: დერვიში
ჟანრი: პოეზია
11 აგვისტო, 2021


აგვისტოს წვიმა

ვიცი, არ გძინავს, გეფიქრება ალბათ აგვისტოს
გრილ საღამოზე, თავად გრილზე, ქაფქაფა ლუდზე,
ეს უხეირო სტრიქონებიც რომ გავასხვისო,
განა უკეთესს რას მივიღებ, ვზივარ და ვუმნზერ-
მოპირდაპირე კორპუსიდან მბჟუტავ სინათლეს,
ამ დროს, სოფელში დუმილს არღვევს ჭრიჭინების ხმა...
მე კი, ჯიუტად, უთავბოლო სიზმრებს მივმართავ,
ხშირად გისიზმრებ, რა კარგია, ძილინებისა.
ვიღვიძებ. ვდგები. ვერ გპოულობ. გეძებ. ვიძინებ.
ვიღვიძებ. დილა. სამსახური. ყავა. თამბაქო.
ვეწევი. ვჯდები. ვრეკავ. ვთიშავ. ვრეკავ. ვიცინი.
ვდგები. გავდივარ. გაწვიმდება. ვსუნთქავ. ქალაქიც
თითქოს თავიდან იბადება. მოთქმაა სულის-
მტვრიან ფოთოლზე წვიმის წვეთი-
კოკისპირიდან...

კომენტარები ილუსტრაციები რეცენზიები