ნაწარმოებები


ნაწარმოებების შერჩევა უკრაინაში მიმდინარე ომის თემაზე შექმნილი ლექსებისა და მოთხრობების კრებულისთვის - დაწვრილებით ლიტ-მოვლენაში     * * *     გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: პალატამერვე
ჟანრი: პოეზია
24 დეკემბერი, 2021


Святая троица

1

როდესაც შენ ტირი, შენზე უფრო გულნატკენი არავინაა.
როცა იღიმი, არავინაა შენზე გულწრფელი.
როცა თამაშობ - შენზე ცელქი;
როცა გძინავს - შენზე ლამაზი;
როცა იღვიძებ - შენზე ბედნიერი.

როდესაც მე ვტირი, შენ ვერ ხედავ.
როცა ვიცინი-ვტყუი.
როცა ვთამაშობ-ვაგებ.
როცა მძინავს- მესიზმრები.
როცა ვიღვიძებ- მინდა ძილი შევიბრუნო.

რაც ჩვენ წავაგეთ, ვიამაყეთ, ვიდრე მოგებით,
გირლიანდებით, ზეიმებით, სეფით, მათ შორის.
აქ მუსიკოსი მამებია, ბრძენი მოგვები,
ტექ.მარილს ყრიან. დაპნეული ღმერთმა გვაშოროს!
ამ საშინაო დავალებას ვიდრე მოყვები,
რომ მამაშენი დამტვრეული სათამაშოა,

გადასაწერად მიაწოდე თანამერხელებს
და ამ ერთხელაც არ გამიშვა, სახლში დამტოვე.
როგორმე ერთად მივაღწიოთ გვიან ესხერებს
და ჩვენ სახურავს უსახურმა თოვლმა ათოვოს.

2

ჩამქრალ ბუხარში ნაღვერდალი, სქელი პლედები,
დროგამოშვებით, დღეში სამჯერ, ზაზა თვარაძე.
მე კი , აღარ ვწერ, აღარ მძინავს- მხოლოდ ვბერდები.
დარაზეთ -მეთქი, დარაბები,
მეთქი, დარაზეთ!

მე შევაგროვე შემოდგომა, ნაჭრის შარვლებში.
ვსვამდი ბოშებთან, ალქაჯებთან, წითელ ცხენებთან.
გემის ანძიდან მიყვირია, არყით გალეშილს
- ხმელეთი!

სხვენზე მტრედები, აკვანი და სარდაფში- ვირთხა,
ჭერიდან ისე ბედნიერად იატაკს აწვიმს
და შენ მიკითხავ, უფრო სწორედ აპირებ ,მითხრა:
„პირველად იყო სიხარული და მერე ნამწვი“.

პირველად იყო სიხარული, მოთოვა ვიდრე.
ვეება იყო, უსაშველო, იყო ამხელა.
როცა ვბრუნდები დასავლეთში და ფეხებს ვითრევ,
გიტოვებ ბოთლებს, თუმცა გყოფნის თავზე საყრელად
შენი ბოთლებიც.

3

რომლებმაც შენ ზღირბლს წამოკრან ფეხი ,
ბრალი იმათი ...
შენ ჩემი მზე ხარ ! შენ ჩემი მზე ხარ!
წადი და ინათე!
ცეცხლი წაუკიდე ფიჭვებს და ვერხვებს,
თავი იმართლე,
რომ ჩემი მზე ხარ , შენ ჩემი მზე ხარ,
მზე ხარ და ინათე!
ქალაქის მძევალს, სიტყვების მძევალს,
პირში მიახლი-
მე მისი მზე ვარ! მე მისი მზე ვარ!
და არა მოახლე!
მიწაზე ვწევარ, პირაღმა ვწევარ,
შენც ხომ იცოდი-
მე მისი მზე ვარ! მე მისი მზე ვარ!
უნდა ვიწვოდე

კომენტარები ილუსტრაციები რეცენზიები