ნაწარმოებები



ავტორი: მანანა კაკაჩია
ჟანრი: პოეზია
2 იანვარი, 2022


გთხოვ


ამ წელიწადს, ღმერთო, ყველას
სიხარული არგუნე,
ავი ზრახვა, სიბოროტე
გთხოვ, ყველაში დათრგუნე.
აძლიერე ოჯახები
შვილებით და მოყვარით,
გაახარე გლეხის გული
უხვ მოსავლის მოყვანით.
ამ წელიწადს მაინც შევძლოთ
თავის რჩენა შრომითა,
ნუ აავსებ ქართველის გულს
სხვაგან წასვლის ნდომითა.
დაგვიბრუნე სიყვარული,
თანადგომის მზეობა.
არ მოშალო ქართველების
ქორწინება, ძეობა.
ეგ ვერაგი ვირუსები
გადაკარგე ქვესკნელში,
ერთა მტრობაც მიაყოლე,
შეგვარიგე ამ წელში.
გთხოვ, არ იყოს პარტიათა
გათიშვაც და ქიშპობაც
და სხვადასხვა დაჯგუფებად
ჩვენი ხალხის გაყოფა.
ადამიანს თვალში სხივი
სიხარულის უკრთოდეს,
ირგვლივ მყოფთა წარმატება
და სიკეთე უნდოდეს.
დე, ეშმაკი საავკაცოდ
აწი, ნურვის აცდუნებს,
გვეყო დარდი, გვეყო შიში,
სიხარული გვარგუნე.
2021

კომენტარები ილუსტრაციები რეცენზიები