- ბებო, წუხელ მოყინა -
              ამცნო ბებოს იამ,
- არა , ჩემო პატარავ,
ამას თრთვილი ჰქვია.
- როგორ? განა ვერ ხედავ?
გადათეთრდა ველი.
- გუბე არ გაყინულა,
აბა, ჩაჰყავ ხელი.
როცა ჰყინავს, ბებიკო,
გუბეს გადასარკავს,
თრთვილი ზამთრის მეკვლეა,
გვიყვება მის ამბავს.
გვამცნობს, მალე ფიფქები
გვესტუმრება ციდან.
- ნეტა, მალე გათოვდეს,
.გუნდაობა მინდა,
თრთვილს მადლობა, ამბავი
რადგან მოგვიტანა,
აწ თოვლს დაველოდებით
მე, ზურა და ანა.
2021