ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ციმციმა
ჟანრი: პოეზია
17 ივნისი, 2022


აღარ გეტყვი

რაც ნაღველია სტრიქონს მიღმა
დამნაღმველია წერტილების,
გადახვევია ფიქრებს ზღვის ხმა
გადასცდენია წრეს დილემის.

მონატრება კი ერთი იჯრა
მიჯნავს იმედებს ხვალისაგან,
ჩიტმა, რომელიც გულში მიჯდა,
მიზნად გაფრენა დაისახა.

ქცევებით ისევ ბაძავ რებუსს,
წინათ  ყველა წამს დავითვლიდი...
ვერ გიყოფინე, გაჯავრებულს
ვერ გეფოფინე, გამიფრინდი. ..

სტრიქონებს გრძნობებს გავაცლი და
სიტყვებს მივანდობ გულის სახნისს,
თან მარტივი და თან მკაცრია
შენი დუმილის ამონახსნი.
ლექსში გამიშლის თავის ჰამაკს
სიმშვიდე, ციდან დანაბერტყი,
უკვე სათქმელიც აღარა მაქვს 
მალე ამასაც აღარ გეტყვი.

კომენტარები ილუსტრაციები რეცენზიები

საიტის წევრს ნიკით:  orange ვულოცავთ დაბადების დღეს