ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ზაზა22
ჟანრი: პოეზია
29 აგვისტო, 2022


პოეზია და კრიტიკოსები

იბადებიან კრიტიკოსები.
პოეტები კი,  ისევ კვდებიან...
ჩახერგილ გზებზე, კვიპაროსები...
რა უსუსურნი იბადებიან.

შეარჩიე სიტყვები!
უკეთესი იქნები.
ლექსებს განა უხდება,  ლექსიკა და ქარაგმა?!
სულის აღფრთოვანებას, მირეკავენ დავდაღმა.

იბადებიან კრიტიკოსები.
ლანძღვის და ბოღმის გენიოსები.
პოეტები კი ისევ კვდებიან,
და უსუსურნი იბადებიან.

პოეზია ზეცაა,
პოეზია ღმერთია.
ფეხთა ნატერფალები,
მისთვის ხომ სულ ერთია.

კომენტარები ილუსტრაციები რეცენზიები