ნაწარმოებები


კონკურსების ანონსი იხილეთ ფორუმზე, კონკურსების განყოფილებაში     * * *     რევაზ ინანიშვილის სახელობის „ერთი მოთხრობის“ კონკურსი -2022     * * *     ლიტერატურული კონკურსი “ლილე 2022“     * * *     „ნ ო ვ ა ც ი ა“ ერთი ლექსის საერთაშორისო კონკურსი     * * *     კონკურსი „ლექსების გამოფენა - ასი სიტყვა“     * * *         * * *     გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: ოთარ_ცისკაძე
ჟანრი: თარგმანი
11 სექტემბერი, 2022


William Blake - TO SUMMER

უილიამ ბლეიკი - ზაფხულს

ვინაც ჩვენს მთა-ბარს მიანიჭებ დროებას სალხინს,
ლაგამი მოსდე შენს ტაიჭებს, დააცხრე ალხი, -
ზაფხულო, მათი ნესტოების მხურვალე ქშენა;
შენს ოქროს კარავს როს ფარავდა მუხნარის ფენა
და  ჩრდილიანში წაგიღებდა ანაზდად ძილი,
ყვავილჩაწნულ თმის, ყირმიზ ღაწვთა ვტკბებოდით ხილვით.

ხშირად გვსმენია მაღნარებში დუდუნი შენი,
როცა შუადღის ფაეტონი აღწევდა ზენიტს;
ნაკადულებთან ჩამოჯექი, მოხვიე ხელი,
ანდა მონახე ხავსიანი ზურმუხტის ველი
მდინარის პირას, განიძარცვე სამოსი ფარჩის,
მჭვირვალე წყალთა ნაკადებში საგრილად დარჩი,
ჩვენს მინდვრებს უყვართ დიდებული ზაფხული ცხელი.

ვერცხლისსიმება ქნარს უკრავენ მგოსნები ჩვენთან,
არ შეარჩენენ სამხრეთელებს გმირები წყენას,
ცეკვისას თითქოს გამოსხმიათ ქალწულებს ფრთენი,
არც სიმღერები, არც საკრავნი გვაკლია ლხენის,
არც ტკბილი ექო და არც წყლები - ცასავით სუფთა,
დაფნის გვირგვინთა ჩრდილი გვფარავს სიცხეში ჯუფთად!

11 სექტემბერი, ნათლისმცემლობა, 2022 წ.


William Blake - TO SUMMER

О thou who passest thro' our valleys in
Thy strength, curb thy fierce steeds, allay the heat
That flames from their large nostrils! thou, О Summer,
Oft pitched'st here thy golden tent, and oft
Beneath our oaks hast slept, while we beheld
With joy thy ruddy limbs and flourishing hair.

Beneath our thickest shades we oft have heard
Thy voice, when noon upon his fervid car
Rode o'er the deep of heaven; beside our springs
Sit down, and in our mossy valleys, on
Some bank beside a river clear, throw thy
Silk draperies off, and rush into the stream:
Our valleys love the Summer in his pride.

Our bards are fam'd who strike the silver wire:
Our youth are bolder than the southern swains:
Our maidens fairer in the sprightly dance:
We lack not songs, nor instruments of joy,
Nor echoes sweet, nor waters clear as heaven,
Nor laurel wreaths against the sultry heat.

კომენტარები ილუსტრაციები რეცენზიები